Quere que o seu ficheiro estea á disposición de moita máis xente?
Considere a posibilidade de cargar o ficheiro multimedia na Wikimedia Commons.
Os elementos cargados en Commons pódense utilizar na Wikiquote e nos outros proxectos da Wikimedia, axudando a crear un repositorio central de ficheiros e imaxes libres.
1º paso. Advertencias.
Atención!
Atención: Non cargue logos e símbolos con dereitos de autoría; capturas de imaxe de películas, programas de televisión, videoxogos, videoclips; portadas de discos, CDs, libros, carteis de películas; imaxes obtidas na internet das que se descoñeza o estado dos dereitos de autoría; fotografías de xoguetes que representen personaxes de debuxos animados, do cine, de videoxogos ou calquera outro que teña dereitos restrinxidos, fotografías promocionais de grupos musicais, actores e actrices etc.
Aviso: Cargar unha imaxe en Galicitas non é un proceso sinxelo. Se é principiante, non sabe o que é unha licenza e/ou non fixo a imaxe vostede mesmo, debe preguntar na páxina de axuda sobre imaxes antes de continuar. Lembre que para marcar as imaxes é preciso incluír a licenza e mais encher a táboa de información cos datos que identifiquen a súa orixe.
Aviso!
Se non indica a licenza e/ou a orixe do seu ficheiro, este será borrado mesmo sen previo aviso.
2º paso. Política de imaxes.
En caso de continuar, por favor, lea a política de uso de imaxes; alí obterá a información imprescindible para proceder correctamente. Na lista visual de marcadores de imaxe pode ver os modelos de licenza dispoñibles neste momento. Para ver ou procurar imaxes xa cargadas, vaia á lista de imaxes cargadas. Lembre que só se admite material no dominio libre. En caso de dúbida, pregunte, previamente á subida, na Taberna.
Actualmente só se poden cargar algúns tipos de ficheiros ao Galicitas. Estes son os admitidos:
Imaxes: SVG, PNG, JPEG, XCF (GIMP) e TIFF
Son: Ogg (usando FLAC, Speex ou codecs Vorbis) ou MIDI (con extensión .mid)
Animación: GIF
Vídeo: Ogg (usando o códec Theora) e WebM
Documentos: PDF, DjVu
Por favor, dea nome aos seus ficheiros dun xeito descritivo para evitar confusións. Evite os nomes predeterminados polas propias cámaras dixitais e calquera combinación de números e letras que non permita deducir, a partir do propio nome do ficheiro, o seu contido. O formulario de carga permite modificar o nome orixinal das imaxes. Tampouco debe cargar imaxes co mesmo nome ca outras xa existentes na base de datos, a non ser que teña a seguridade de que pode facerse.
3º paso. Engada a información e escolla unha licenza libre para a súa obra.
Dea información detallada sobre o seu ficheiro empregando o código da dereita (pode copialo e pegalo na descrición da imaxe e completalo despois):
Descrición (description) do contido. O ficheiro debe ter un nome descritivo e conciso, sen caracteres especiais.
Orixe (source) da imaxe. Pode incluír unha ligazón cara á páxina web da que procede, indicar que é de autoría propia (as obras derivadas manteñen os dereitos de autoría orixinais) ou o que sexa pertinente.
Data (date) de creación. Se é descoñecida, colócase a de publicación.
Autor(es) (author) do ficheiro. Se vostede non é o autor, siga as instrucións que se expresan aquí e envíe o permiso do autor ao enderezo permissions@wikimedia.org.
Opcional: Outras versións (other_versions) dispoñibles, se as hai, coas súas correspondentes ligazóns internas.
Opcional: Información adicional (additional_information): Información adicional sobre a imaxe, como por exemplo as coordenadas do sitio onde se tomou. Para indicar as coordenadas, emprega o modelo {{Coordenadas|latitude|N/S|lonxitude|W/E|display=inline, title}} ou {{tlx|Coordenadas|graos|minutos|segundos|N/S|graos|minutos|segundos|W/E|display=inline, title}}, substituíndo en cada caso os valores correspondentes.
Se non indica a licenza e/ou a orixe do seu ficheiro, este será borrado mesmo sen previo aviso.
