Abrir o menú principal

Wikiquote β

Wikiquote:Comezar a colaborar

Quixeramos, estimado lector ou lectora, que colaborase con nós na realización desta enciclopedia de citas. Non debe preocuparse se non é un experto nalgún tema, pois hai moitas cousas nas que colaborar:

  • A primeira lei fundamental é escribir artigos. Pode crealos directamente ou copialos ou traducilos dunha fonte de dominio público ou que teña unha licenza compatible coa nosa. Se ten ganas de traducir, un sitio ideal ao que recorrer é outra das colectáneas de citas, en especial a Wikiquote inglesa, que é a que ten maior movemento e por tanto máis artigos, máis extensos e mellor corrixidos en xeral. Convén cotexar os textos cos de outras edicións noutras linguas.
  • Se quere colaborar escribindo artigos ou cargando imaxes pode visitar a páxina sobre citas solicitadas, na que se listan aqueles que son os máis precisados.
  • Tamén pode axudar ampliando os esbozos para ter uns artigos máis completos.
  • Agregue tiles, corrixa erros e, se sabe que a súa gramática é boa, corrixa a redacción dun artigo. Teña en conta que moitas das achegas son de colaboradores con teclados que non permiten introducir directamente acentos. Pode seleccionar artigos dende mudanzas recentes, partir desde a Portada ou ir a unha páxina aleatoria.
  • Colla algunha páxina orfa e faga que teña algunha páxina que se refira a ela, para mellor aproveitar o seu contido. De igual xeito, as páxinas que non levan a ningunha outra editada, poñéndolles algún enlace a outro artigo que xa teña a enciclopedia.
  • Bótelle unha ollada aos artigos relacionados co seu traballo, a súa cidade, país, etc. Se o artigo existe (o máis probable polo momento é que non sexa así), comprobe se pode agregar información, ou se a información que xa contén é correcta. Pregámoslle que siga un punto de vista neutral e non escriba que "esta é a cidade mellor de tal país" ou "as súas mulleres son as máis bonitas", que non achegan nada e se din de todo o mundo polos naturais da zona.
  • Se cando vaia a unha páxina ao chou ou doutro xeito, chega a un artigo que considere que necesita unha revisión maior, pero non sabe o que facer, deixe unha nota na súa páxina de discusión (todo artigo ten unha). Iso trasladará o artigo á lista de Mudanzas Recentes e pode que algún outro colaborador o vexa e o mellore.
  • Promocione esta enciclopedia entre as súas amizades, en sitios de novas que frecuente, weblogs etc., en calquera lugar que pense que poida haber xente interesada. Pero, por favor, non faga cadeas (spam): é un método de difusión que deixa moito que desexar, ademais de afectarnos a todos.
  • De se lle ocorreren outros xeitos de colaborar, non dubide en engadilos a esta páxina :).